ಛತ್ತೀಸ್ ಘಡ್ ನಲ್ಲಿನ ದಟ್ಟವಾದ ಕಾಡಿನಲ್ಲಿ ಚಾರಣ

ಛತ್ತೀಸ್ ಘಡ್ ನಲ್ಲಿನ ದಟ್ಟವಾದ ಕಾಡಿನಲ್ಲಿ ಚಾರಣ

ಸ್ಥೂಲ ಸಮೀಕ್ಷೆ

ಛತ್ತೀಸ್ ಘಡ್ ನಲ್ಲಿನ ಚಾರಣವು ನಿಮ್ಮನ್ನು ಆಶ್ಚರ್ಯದ ಕಡಲಿನಲ್ಲಿ ಮುಳುಗಿಸುತ್ತದೆ. ನೀವು ಕಾಡಿನಲ್ಲಿ ಅನೇಕ ಚಾರಣಗಳನ್ನು ಮಾಡಿದ್ದರೂ ಅವುಗಳ್ಯಾವುದೂ ಈ ಚಾರಣದಂತಿರುವುದಿಲ್ಲ.

ಛತ್ತೀಸ್ ಘಡ್ ರಾಜ್ಯದ ಹೆಸರನ್ನು ಕೇಳುತ್ತಿದ್ದಂತೆ ನಮ್ಮ ಮನಸ್ಸಿನ ಮುಂದೆ ಬರುವುದೆಂದರೆ ದಂಡಕಾರಣ್ಯ ಪ್ರದೇಶದಲ್ಲಿನ ದಟ್ಟವಾದ ಕಾಡುಗಳು. ಪ್ರತಿನಿತ್ಯದ ಚಾರಣದಲ್ಲಿ ವೈವಿಧ್ಯತೆಯಿಂದ ಕೂಡಿದ ಕಾಡುಗಳನ್ನು ನೋಡಬಹುದು. ಅಷ್ಟೇ ಏಕೆ, ಒಂದು ದಿನದ ಚಾರಣದಲ್ಲೂ ವಿವಿಧ ರೀತಿಯ ಕಾಡುಗಳನ್ನೂ ನೋಡಿ ಆಶ್ಚರ್ಯ ಪಡಬಹುದು. ಯಾವುದೇ ಸಂದರ್ಭದಲ್ಲೂ ನೀವು ಅತಿಯಾದ ಕಾಡುಗಳೆಂದು ಬೇಸರಿಸುವ ಸಂದರ್ಭವುಂಟಾಗುವುದಿಲ್ಲ. ವೈವಿಧ್ಯತೆಯಿಂದ ಕೂಡಿದ ಕಾಡುಗಳು ನಿಮ್ಮನ್ನು ದಿಗ್ಭ್ರಮೆಗೊಳಿಸುವುದು.

ಚಾರಣದಲ್ಲಿ ನೀವು ಪ್ರಸ್ಥಭೂಮಿಯಲ್ಲಿ ನಡೆಯುತ್ತೀರ, ಕಣಿವೆಗಳಲ್ಲಿ ಧುಮುಕುತ್ತೀರ ಹಾಗೂ ನದಿ, ತೊರೆಗಳನ್ನು ದಾಟುತ್ತೀರ ಮತ್ತು ಜಲಪಾತಗಳನ್ನು ವೀಕ್ಷಿಸುವಿರಿ. ಇದ್ದಕ್ಕಿದ್ದಂತೆ ನೀವು ಪುರಾತನ ವಸಾಹತುಗಳನ್ನು (ವಿನಾಶದ ಅಂಚಿನಲ್ಲಿರುವ ಪುರಾತನ ಬುಡಕಟ್ಟಿನ ಜನಗಳನ್ನು - ಬಗ ಬುಡಕಟ್ಟು) ಹಾದುಹೋಗುವಿರಿ ಹಾಗೂ ಅವರ ಜೀವನ ಶೈಲಿಯನ್ನು ಗಮನಿಸುವಿರಿ. ಚಾರಣವು ದಟ್ಟವಾದ ಕಾಡಿನ ಜಮಖಾನೆ ಹಾಗೂ ಅತಿ ಎತ್ತರದ ವೃಕ್ಷಗಳ ಛಾವಣಿಗಳ ನಡುವಿನಿಂದ ಕೂಡಿ ಸಿನೀಮಯ ರೀತಿಯದ್ದಾಗಿರುವುದು.

ನಮ್ಮ ಚಾರಣವು ವಿಂಧ್ಯ ಹಾಗೂ ಸಾತ್ಪುರ ಪರ್ವತ ಶ್ರೇಣಿಗಳು ಸಂಧಿಸುವ ಪ್ರದೇಶ, ಇದು ನರ್ಮದಾ ನದಿಯ ಉಗಮ ಸ್ಥಳವಾದ ಅಮರಕಂಟಕ್ ಬಳಿ. ಇದು ಅಚನಕ್ಮಾರ್ ಟೈಗರ್ ರಿಸರ್ವ್ ಪ್ರದೇಶ ಸಮೀಪ. ನಮ್ಮ ಚಾರಣವು ಇಲ್ಲಿನ ಲಕ್ಷ್ಮಣಧಾರ ಜಲಪಾತದ ಬಳಿ ಕೊನೆಗೊಳ್ಳುವುದು.

ಈ ಚಾರಣವನ್ನು ಛತ್ತೀಸ್ ಘಡ್ ಪ್ರವಾಸೋದ್ಯಮ ಹಾಗೂ ಇಂಡಿಯಾ ಹೈಕ್ ಸಂಸ್ಥೆಯ ಜಂಟಿ ಮುಂದಾಳತ್ವದಲ್ಲಿ ನಡೆಸಲಾಗುವುದು.

ಚಾರಣದ ಸಂಕ್ಷಿಪ್ತ ಮಾಹಿತಿ :

ಮೊದಲನೇ ದಿನ : ಪೆಂಡ್ರ ರಸ್ತೆ ರೈಲ್ವೆ ನಿಲ್ದಾಣದಿಂದ ರಾಜ್ಮೆರ್ ಘರ್ ವರೆಗೆ 20 ಕಿ.ಮೀ ದೂರದ 1 - 2 ಘಂಟೆಗಳ ಕಾರಿನ ಪ್ರಯಾಣ. ರಾಜ್ಮೆರ್ ಘರ್ ಹಳ್ಳಿಯು ಒಂದು ಪ್ರಸ್ಥಭೂಮಿಯಲ್ಲಿದ್ದು ಅತಿ ಕಡಿಮೆ ಜನಸಂಖ್ಯೆಯಿಂದ ಕೂಡಿದ್ದು, ಇದು ದಟ್ಟವಾದ ಕಾಡಿನಿಂದಾವೃತವಾಗಿರುವುದು.

ಎರಡನೇ ದಿನ : ರಾಜ್ಮೆರ್ ಘರ್ (1149 ಮೀ) ನಿಂದ ಚುಟ್ಕಿರೇವರ್ (781 ಮೀ) ವರೆಗಿನ 7-8 ಘಂಟೆಗಳ 15 ಕಿ.ಮೀ ಚಾರಣ. ಈ ಮಾರ್ಗವು ಸಂಪೂರ್ಣವಾಗಿ ಮರಗಳ ನೆರಳಿನಿಂದ ಕೂಡಿದ ಸಂಪೂರ್ಣವಾದ ಕಾಡಿನ ಹಾದಿ.

ಮೂರನೇ ದಿನ : ಚುಟ್ಕಿರೇವರ್ ನಿಂದ ಕಿಯೊಂಚಿ (781 ಮೀ ನಿಂದ 600 ಮೀ ಅವರೋಹಣ) - 4-5 ಘಂಟೆಗಳ 9 ಕಿ.ಮೀ ಸಂಪೂರ್ಣವಾದ ಕಾಡಿನ ಹಾದಿ.

ನಾಲ್ಕನೇ ದಿನ : ಕಿಯೊಂಚಿಯಿಂದ ಮುಸಿಯಾರಿಗೆ (600 ಮೀ ನಿಂದ 507 ಮೀ ಅವರೋಹಣ) 5 - 6 ಘಂಟೆಗಳ 13 ಕಿ.ಮೀ ದೂರದ ಬಸ್ತಿಯ ಮೂಲಕ ಕಾಡಿನ ಹಾದಿ.

ಐದನೇ ದಿನ : ಮುಸಿಯಾರಿಯಿಂದ ದೈಹನ್ಪಾರ ಹಾಗೂ ಅಲ್ಲಿಂದ ಪೆಂಡ್ರ ರಸ್ತೆಯೆಡೆಗೆ - 6 ಘಂಟೆಗಳ 12 ಕಿ.ಮೀ ದೂರದ ಚಾರಣ ಹಾಗೂ ನಂತರ 17 ಕಿ.ಮೀ ವರೆಗೂ ಕಾರಿನಲ್ಲಿ ಪಯಣ. ಹಾದಿಯು ಕಾಡಿನ ಹಾಗೂ ಹಳ್ಳಿಯಲ್ಲಿನ ಮಾರ್ಗವಾಗಿರುವುದು.

ಕೃಪೆ : ಇಂಡಿಯಾ ಹೈಕ್ ಸಂಸ್ಥೆ

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ : Indiahikes.com